لمحبى الحيوانات
اهلا بك فى المنتدى ايها الزائر نرجوالتسحيل فى ثلاث خطوات اليميل الباسورد اسم العضو فقط

لمحبى الحيوانات

كل شى عن الحيوانات
 
الرئيسيةالبوابةاليوميةمكتبة الصورالمجموعاتالتسجيلدخول

شاطر | 
 

 كلبك او جروك بيعض فيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 613
نقاط : 1888
تاريخ التسجيل : 19/08/2010
العمر : 27
الموقع : المنوفية

مُساهمةموضوع: كلبك او جروك بيعض فيك    الجمعة أغسطس 05, 2011 3:31 am

كتير من الناس بيقول هو الكلب ده عمال يعضعض ليه جعان ولا شرس طب انا ااكله ولا اخاف يعضني ولا هو بيسنن ولا بيخوفني يعني
قبل اي حاجة تعالو نشوف ليه بيعضعض
اسباب عضعضة الكلب
1-شراسة : الكلب ممكن يكون عنده شراسة من الصغر و بيطلعها فعضعة اي حاجة يلاقيها.
2-خوف : ممكن يكون الكلب خايف او جبان من صغره فبيعضعض كدة زي العيل اللي مش صغير اوي لما بيعضعض فاللعب بتاعته بنقول ممكن تكون حاجة نفسية خصوصا الكلب ده وهو جرو كائن صغير فالحاجات اللي حواليه كلها كبيرة فلو هو متعودش من اول ما اتولد يشوف حاجات كبيرة هيخاف بسرعة اما يشوف كائن او حاجة كبيرة وممكن يكون ناتج عن اخده من امه وهو صغير اوي او لو حصل موقف خوفه او سوء المعاملة.
3-فراق الصاحب : الجرو لما صاحبه يبعد عنه لو هو متعلق بيه بيبقي متضايق ومتنرفز فممكن يفضل يعضض فاي حاجة فالبيت.
4-الاستكشاف : الجرو وهو صغير بيبقي عايز يعرف كل حاجة حاوليه وطبعا معندوش ايدين يمسك بيهم فبيجرب ببقه زي العيل الصغير اما يحب يعرف حاجة تلاقيه مسكها حطها فبقه يدوقها يشوف ايه دي.
5-التسنين : ممكن يكون الجرو بدا مرحلة التسنين وطبعا بتبقي مزعجة اوي بالنسباله برضو زي الاطفال بيحتاجو حاجة يطلعو غلهم فيها.

من هنا لازم تعرف بقي ان الموضوع مش مقلق ومنخافش واذا عرف السبب بطل العجب
اكيد دلوقتي بتقول طب انا اعمل ايه ده لسة مبهدل المخدة بتاعتي والسجادة وبعدين هسيبه كدة يعني !!اقلك لا كمل قراية

المعاملة الصحيحة لعضعضة الكلب

اول طريقة : ممكن تشوف الحاجات اللي بيعضعضها وتحط عليها حاجة الكلب مش بيحبها زي الفلفل مثلا هو من نفسه هيبعد عنها.
تاني طريقة : تقدر تعلمه كلمة (بطل عض) او لو بتعلمه انجليزي (stop--or no-- chewing).
طريقة خاطئة : بعض الناس بتقدم للكلب جزمة او شبشب عشان يعضعض فيه ويسكت ده طبعا غلط عشان ممكن تتفتفت فبقه وتاذيه ده غير ان فيها كمية من الاوساخ هتاذي الكلب وفوق ده كله الكلب مش هيفرق ان الجزمة دي حاجة مهمة ليه يعني تبقي سيادتك مطلع الجزمة وملمعها ونازل تروح تلاقيها من غير كعب .
تالت طريقة : انك لما تلاقيه بيعضعض فحاجة فالبيت تقله no وبعدين تروح فساعتها تاخد اللي بيعضعضه وتحط مكانه اللعبة بتاعة الكلب ولو الكلب سمع الكلام كافئه مرة مع التانية هيتعلم وتقدر بعد كدة تحط كزا حاجة فالارض من ضمنه لعبتين من بتوعه لو عض الحاجة الغلط صححله ولو عض اللعبة اديله مكافأة.
طريقة العلاج لو الموضوع ناتج عن خوف : بتراقب الكلب وتشوف هو بيخاف من ايه ممكن يكون في حاجة فالبيت بتخوفه يا توريه انها مش هتاذيه يا اما تحطها فحتة هو مش هيشوفها.
علاج عضعضة التسنين : تقدر تجيبله حاجة مخصوصة للتسنين عشان يعضعض فيها وتكون علي شكل حاجة بيحبها سواء عضمة او اي حاجة.
وطبعا الكلب مش هيبقي قدامنا طول اليوم يعني ممكن يعمل حاجة كدة ولا كدة من ورانا فنحاول منحطش الحاجات المهمة فمتناوله ولا فالارض ولا فحاجة يشوفها عشان منجيش نعيط فالاخر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://animal.montadarabi.com
 
كلبك او جروك بيعض فيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لمحبى الحيوانات :: الفئة الأولى :: اقسم هواة لكلاب-
انتقل الى: