لمحبى الحيوانات
منوره يا فيروز❤️

لمحبى الحيوانات

كل شى عن الحيوانات
 
الرئيسيةالبوابةاليوميةمكتبة الصورالمجموعاتالتسجيلدخول

شاطر | 
 

 طائر الكوكتيل شريك متضامن وليس سلعة

اذهب الى الأسفل 
كاتب الموضوعرسالة
Admin
Admin


عدد المساهمات : 613
نقاط : 1888
تاريخ التسجيل : 19/08/2010
العمر : 28
الموقع : المنوفية

مُساهمةموضوع: طائر الكوكتيل شريك متضامن وليس سلعة   الجمعة مارس 09, 2012 2:39 pm

السلام عليكم ورحمة الله وبركاته

اهلا وسهلا بكل اخوانى واخواتى من الاعضاء والزوار المحترمين
واضح من اسم الموضوع انه غريب
يعنى ايه الكوكتيل شريك متضامن!!؟
هقولكم
انا قبل ما اشترى اى كوكتيلات بمضى معاهم عقد على انهم شريك متضامن
هقولكم ليه وايه الفايدة اللى بترجع عليهم وعليا
بسم الله
بتفق مع اى كوكتيل قبل ما اجيبه اننا هنبقا شركاء وهو هيبقا شريك متضامن
بعرض عليه الشروط دى ولو وافق بجيبه يشتغل معايا

البند الاول – يقوم الكوكتيل بمساعدة الطرف الثانى وذلك بجلب السعادة والبهجة عليه وعلى اسرتة وعلى الاطفال وذلك بالاتى (يقوم بالتغريد باجمل الالحان– يكون فى شكل جميل ومنسق دائما – انتاج فروخ جميلة ذو صحة جيدة – تعليم الانسان تنظيم الوقت والمسئولية – عدم الخوف من الانسان وجعله يطمئن على البيض والفروخ دون الاضرار بالفروخ او بالانسان )




البند الثانى – يقوم الانسان بتقديم الرعاية الكاملة للكوكتيل وذلك بتوفير ( المسكن المناسب – الاكل النظيف – المياة النظيفة – المعاملة الحسنة – الحفاظ على الخصوصية وعدم ازعاج الكوكتيل بدون سبب – معاملة الكوكتيل على انه شريك متضامن له جميع الحقوق وليس سلعة – المحافظة على صحتة بالادوية والاطعمة المناسبة – متابعة الحالة الصحية والذهاب بالكوكتيل للطبيب البيطرى فى حال حدوث اى مكروه او مرض لقدر الله )

هذه الصورة تم تصغيرها أضغط هنا لمشاهدتها بحجمها الطبيعي.



دى كانت شروط العقد خلينا نشوف عمليا ازاى نفذت شروط العقد دى مع اخر جوزين كوكتيل جيبتهم

اولا دورت على طيور كوكتيل شكلها نظيف ومتناسق وريشها كامل ومش باين عليها اى امراض
وتكون جاية من شخص مضمون محافظ عليها
وما تكونش لفت بين مربين كتير واتبهدلت ونفسيتها تعبت من سؤء المعاملة
وده علشان الكوكتيل يقدر يوفى بوعده معايا وينفذ كل الشروط اللى فى العقد
البند الثانى عملت حسابى ان اكون موفر ليهم عيون كبيرة علشان يتحركوا براحتهم
واكل نظيف ومتنوع (بكلم – فلارس- لب- بيض بالبقسماط)
مياه نظيفة ومساقى بتتغلى فى مياه ساخنة كل اسبوع مرة
اعاملهم معاملة كويسة وبلاش امسكهم الا للضروة القسوى
احافظ على خصوصية الكوكتيل يعنى ما اجيش من بره ادخل عليهم مرة واحده والزق وشى فى القفص قال بطمن عليهم ويمكن نائمين او بياكلوا او فى حالة جماع
لا بدخل بشويش وبتسحب ولما الاقيهم فى وضع يسمح بالافتراب بقول بصوت واضح ( مش عالى) سلام عليكم واقرب من القفص علشان ما يتفجعوش ويخافوا منى وكمان الطيور اللى داخل البيضات بتعرف انى جيت وما تخافش من اى صوت بره لانهم عرفوا انى انا اللى بره
واحترام الكوكتيل فى اول اسبوع بعد الشراء والبعد عنه قدر الامكان الى ان ياخد على المكان ولازم تفهم انه ليه عادات واساليب حياة كان واخد عليها ولازمله شوية وقت علشان ياخد على المكان عندك وعليك
لازم تفهم ان زى ما هتدى الكوكتيل من رعاية واهتمام هيديك علشان هو شريك مش سلعة
والعلاقة مابينكم تبادليه هتاكله كويس هيديلك فروخ كويسة – هتعاملة كويس وماتخلهوش يخاف منك هيخليك تشوف الفروخ من غير ما يخاف ويجرى يدوس عليهم
الكوكتيل طائر حساس لازم تحافظ عليه من عوامل الجو ومن الامراض ولازم تمشى على جدول فيتامينات واملاح وتقدم له الاطعمة المناسبة فى الوقت المناسب زى البيض فى وجود فروخ – ولازم دائما تقوم بتنظيف البياضات والقفص او السلاكة وترشها علشان الحشرات والفاش (هتلاقى الطرق بالتفصيل فى مواضيع فى المنتدى)
لازم تقعد كل يوم حوالى نصف ساعه على الاقل قدام قفص الكوكتيل تراقب تصرفاته علشان تلاحظ لوتعبان لقدر الله او عنده مشكلة ولازم تبقا عامل حسابك دائما على فلوس للعلاج وفلوس تجيب ذكر للنتاية لو مات الذكر بتاعتها والعكس لان الكوكتيل نفسيته بتتعب جدا عند موت احد الزوجين
وده اللى انا عملته مع اخر جوز جيبته
كدا انا خلصت وشرحت الفكرة بتاعتى واللى بتعامل بيها مع كل الطيور اللى عندى
الفوائد اللى هتعود عليك باذن الله
طائر بصحة جيدة- ومش بيخاف منك – بينتج فروخ جيدة – شكل وصوت رائعين
انتا هتكسب رضا ربنا على معاملتك الحسنة للطائر – وهتكسب شكل ومنظر يسر الناظرين – طيور مش بتمرض غير نادرا – الناس اللى هتشترى منك طيور او فروخ هتدعيلك ومش هتدعى عليك
يبقا انتا كدا كسبت الفلوس ورضا نفسك ورضا الاخرين ورضا ربنا اللى اهم من كل شى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://animal.montadarabi.com
 
طائر الكوكتيل شريك متضامن وليس سلعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لمحبى الحيوانات :: الفئة الأولى :: قسم هواة طيور الحب-
انتقل الى: